ദിവസം 244.
ശ്രീമദ്‌ ദേവീഭാഗവതം. 9.22. ശംഖചൂഡയുദ്ധം
ശിവം പ്രണമ്യ ശിരസാ ദാനവേന്ദ്ര: പ്രതാപവാൻ
സമാരുരോഹ യാനം ച സഹാമാത്യൈ: സ സത്വര:
ശിവ: സ്വസൈന്യം ദേവാംശ്ച പ്രേരയാമാസ സത്വരം
ദാനവേന്ദ്ര: സസൈന്യശ്ച യുദ്ധാരംഭേ ബഭൂവ ഹ
ശ്രീ നാരായണൻ പറഞ്ഞു: ആ ദാനവശ്രേഷ്ഠൻ പരമശിവനെ നമസ്ക്കരിച്ചശേഷം തൻ്റെ മന്ത്രിമാരുമായി പെട്ടെന്ന് വിമാനത്തിൽക്കയറി യാത്രയായി. ശിവനും തന്റെ ദേവസൈന്യത്തെ ഒരുക്കി. ശംഖചൂഡൻ അപ്പോഴേക്കും പോരിനൊരുങ്ങി സൈന്യവുമായി തയ്യാറായി നിന്നു.
മഹേന്ദ്രൻ വൃഷപർവ്വാവിനോടും ആദിത്യൻ വിപ്രചിത്തിയുമായും നേരിട്ട് ഏറ്റുമുട്ടി. ദംഭനോട് ചന്ദ്രനും കാളസ്വരനോട് കാലനും ഗോകർണ്ണനോട് അഗ്നിയും മയനോട് വിശ്വകർമ്മാവും ശ്രീദനോട് കാലകേയനും ഭയങ്കരനോട് മൃത്യുവും യമനോട് സംഹാരകനും വിശ്വകർമ്മാവ് മയനോടും വികങ്കണനോട് വരുണനും ചഞ്ചലനോട് സമീരണനും ഘൃതപൃഷ്ഠനോട് ബുധനും രക്താക്ഷനോട് ശനൈശ്വരനും രക്തസാരനോട് ജയന്തനും വർച്ചോഗണങ്ങളോട് വന്ധുക്കളും ദീപ്തിമാനോട് അശ്വികളും നളകൂബരൻമാരോട് ധൂമ്രരും ധുരന്ധരരോട് ധർമ്മനും ഉഷാക്ഷനോട് മംഗളനും ശോഭാകാരനോട് ഭാനുവും പിഠരനോട് മന്മഥനും, ഏറ്റുമുട്ടി.
പന്ത്രണ്ടു് ആദിത്യൻമാർ ചൂർണ്ണൻ, ഗോധാമുഖൻ ഖഡ്ഗൻ, ധ്വജൻ, കാഞ്ചീമുഖൻ, ധൂമ്രൻ, നന്ദി, വിശ്വൻ, പലാശൻ എന്നിവരുമായി യുദ്ധം ചെയ്തു.. പതിനൊന്ന് രുദ്രൻമാർ പതിനൊന്ന് ഉഗ്രൻമാരുമായി ഏറ്റുമുട്ടി. മഹാമാരിയുമായി ഉഗ്രചണ്ഡാദികളും നന്ദീശ്വരാദികളുമായി ദാനവപ്പടയും രണത്തിലേർപ്പെട്ടു.
ഇങ്ങിനെ യുദ്ധം കൊടുമ്പിരിക്കൊള്ളുമ്പോൾ ശംഭു സ്കന്ദനോടും കാളിയോടും കൂടി ഒരു പേരാൽച്ചുവട്ടിൽ നിലകൊണ്ടു. കോടി ദാനവൻമാരാൽ പരിസേവിതനായ ശംഖചൂഡൻ തന്റെ രത്നഖചിത സിംഹാസനത്തിൽ ഇരുപ്പുറപ്പിച്ചു. യുദ്ധക്കളത്തിൽ പരമശിവന്റെ സൈന്യം ദാനവപ്പടയോട് പൊരുതി തോറ്റു. ആയുധമേറ്റു മുറിഞ്ഞ ദേവൻമാർക്ക് സുബ്രഹ്മണ്യൻ അഭയമേകി. സ്കന്ദൻ ഒറ്റയ്ക്ക് ദാനവൻമാരുമായി പടപൊരുതി. നൂറ് അക്ഷൗഹിണി പടയേയും മുരുകൻ തോല്പിച്ചോടിച്ചു. കാളിയും അസുരൻമാരെ പീഡിപ്പിച്ചു. അവൾ രോഷത്തോടെ ദൈത്യരക്തം പാനം ചെയ്തു. ലക്ഷക്കണക്കിനായ മത്ത ഗജങ്ങളെ കാളി ഒറ്റവായിൽ അകത്താക്കി. തലയറ്റ കബന്ധങ്ങൾ രണഭൂമിയിൽ ചിതറിക്കിടന്നു.
രണശൂരദാനവർ സ്കന്ദശരമേറ്റ് മെയ് മുറിഞ്ഞ് പാലായനം തുടങ്ങി. എങ്കിലും വൃഷപർവ്വാവ്, വിപ്രചിത്തി, ദംഭൻ, വികങ്കണൻ, എന്നിവരെല്ലാം യുദ്ധക്കളത്തിൽ നിന്നും പിൻതിരിയാതെ സുബ്രഹ്മണ്യനോട് ഏറ്റുമുട്ടി. സ്കന്ദയുദ്ധം കണ്ട് ദേവതകൾ പുഷ്പവൃഷ്ടി നടത്തി. സ്കന്ദൻ യുദ്ധത്തിൽ ജയിച്ചു മുന്നേറുന്നതു കണ്ട രാജാവ് യുദ്ധവിമാനത്തിൽക്കയറി ശരവർഷം തുടങ്ങി. മഹാമാരിപോലെ പെയ്തിറങ്ങിയ ശരവർഷത്തിൽ എങ്ങും ഇരുട്ടു നിറഞ്ഞു. ഇടയ്ക്കിടക്ക് തീജ്വാലകളും ഉയർന്നു കാണായി .
നന്ദീശ്വരൻ തുടങ്ങിയ ദേവൻമാർ യുദ്ധക്കളത്തിൽ നിന്നും ഓടിയപ്പോഴും സ്കന്ദൻ ഒറ്റയ്ക്ക് രണം തുടർന്നു. ശംഖചൂഡൻ ശരം മാത്രമല്ല പർവ്വതങ്ങളും പാമ്പുകളും ശിലകളുമെല്ലാം സുന്ദന്റെ നേരേ തൊടുത്തുവിടാനാരംഭിച്ചു. മൂടൽ മഞ്ഞ് ആദിത്യനെ മറയ്ക്കുന്നതു പോലെ ശിവസുതനെ ശംഖചൂഡന്റെ ശരവൃഷ്ടി മൂടിക്കളഞ്ഞു. അപ്പോളാ ദാനവൻ സ്കന്ദന്റെ വില്ലു മുറിച്ച് കളഞ്ഞു. ദിവ്യരഥവും പീഠങ്ങളും തകർത്തു. ദിവ്യാസ്ത്രപ്രയോഗത്താൽ സ്കന്ദവാഹനമായ മയിലിനെ വശംകെടുത്തി ക്ഷീണിതനാക്കി. യക്ഷനെപ്പോലും നിഗ്രഹിക്കാൻ കഴിവുള്ള ഒരു വേൽ അസുരൻ ശിവപുത്രനു നേരേ ചാട്ടി. ക്ഷണനേരത്തേക്ക് ബോധമറ്റു വീണുപോയെങ്കിലും സ്കന്ദൻ പണ്ട് മഹാവിഷ്ണു നല്കിയിരുന്ന വില്ലെടുത്ത് തേരിലേറി പൂർവ്വാധികം വീര്യത്തോടെ ശരജാലവർഷം തുടങ്ങി.
ദാനവൻ തൊടുത്തുവിട്ട പർവ്വതത്തെയും പാറക്കല്ലിനെയും സർപ്പങ്ങളേയുമെല്ലാം ആ ശരങ്ങൾ തകർത്തു കളഞ്ഞു. ആഗ്നേയാസ്ത്രത്തെ വാരുണാസ്ത്രം ചെറുത്തു. ശംഖചൂഡന്റെ വില്ലും തേരും കിരീടവും സ്കന്ദൻ തരിപ്പണമാക്കി. എന്നിട്ട് വേലെടുത്ത് ദാനവന്റെ മാറ് ലക്ഷ്യമാക്കി പ്രയോഗിച്ചു. രാജാവ് ക്ഷണത്തിൽ ബോധംകെട്ടുവീണെങ്കിലും പെട്ടെന്നെഴുന്നേറ്റു. മറ്റൊരു വില്ലെടുത്ത് അയാൾ ശരവർഷം തുടർന്നു. കാർത്തികേയനു ചുറ്റും അമ്പുകൊണ്ട് അവനൊരു മറ തീർത്തു.
നൂറ് സൂര്യൻമാരുടെ കാന്തിയുള്ള വേൽ സ്കന്ദനിൽ നിന്നും അവൻ പിടിച്ചെടുത്തു. അവനത് ക്രോധത്തോടെ കാർത്തികേയനു നേരേ പ്രയോഗിച്ചു. അത് അദ്ദേഹത്തിന്റെ മാറിൽത്തന്നെ ചെന്നു കൊണ്ടു. മഹാപരാക്രമിയാണെങ്കിലും വിഷ്ണുതേജസ്സാർന്ന വേൽ കൊണ്ടു് സ്കന്ദൻ ബോധംകെട്ടുവീണു. കാളി ശിവസുതനെ കയ്യിലെടുത്ത് പിതാവിന്റെ അടുക്കലെത്തിച്ചു. പരമശിവൻ പുത്രനെ നിഷ്പ്രയാസം എഴുന്നേൽപ്പിച്ചു. അനന്തമായ ബലവും മകനു നൽകി.
പൂർവാധികം വീരത്തോടെ പടക്കിറങ്ങിയ സ്കന്ദനു കൂട്ടായി കാളിയും പുറപ്പെട്ടു. നന്ദീശ്വരൻമാരും ഗുഹനു പിറകിലെത്തി. പടക്കളത്തിൽ ഭേരിയും അട്ടഹാസവും മുഴങ്ങി. മദ്യം വഹിച്ചുകൊണ്ടു വരുന്നവരും ചെണ്ടകൊട്ടുന്നവരും കളത്തിലിറങ്ങി. കാളി സിംഹനാദം മുഴക്കി. ദാനവപ്പടയ്ക്ക് ഭയമുണ്ടാകുംവണ്ണം കാളി മദ്യം കഴിച്ചു കൂത്താടി. ഉഗ്രദംഷ്ട്ര, യോഗിനി, ഡാകിനി, കോടകി, ഉഗ്രദണ്ഡ എന്നിവരും സുരൻമാരും മദ്യം കുടിച്ചു. കാളിയുടെ വരവ് കണ്ടു് ശംഖചൂഡൻ രണഭൂമിയിൽ വന്ന് ദാനവപ്പടയ്ക്ക് അഭയം നല്കി.
കാളി പ്രളയത്തീപോലെ പ്രോജ്വലിക്കുന്ന ആഗ്നേയാസ്ത്രം പ്രയോഗിച്ചതിനെ ദാനവൻ പർജ്ജന്യാസ്ത്രം കൊണ്ടു് തടുത്തു. കളി വാരുണാസ്ത്രം പ്രയോഗിക്കേ അസുരൻ ഗന്ധർവ്വാസ്ത്രം കൊണ്ടു് അതിനെ തടുത്തു. കാളിയുടെ മാഹേശ്വരത്തെ വൈഷ്ണവം കൊണ്ടും ശംഖചൂഡൻ ചെറുത്തു. എന്നാൽ കാളി മന്ത്രപുരസ്സരം അയച്ച നാരായണാസ്ത്രത്തെ അസുരൻ കൈതൊഴുത് വണങ്ങുകയാണ് ചെയ്തത്. പ്രളയാഗ്നിക്കു തുല്യം ശക്തിമത്തായ ശരം നേരേ ആകാശത്തേക്ക് കുതിക്കവേ ദാനവൻ ഭൂമിയിൽ വീണു നമസ്ക്കരിച്ചു.
കാളി അയച്ച ബ്രഹ്മാസ്ത്രത്തെ അതേ അസ്ത്രം പ്രയോഗിച്ചാണ് ശംഖചൂഡൻ പ്രതിരോധിച്ചത്. കാളിയുടെ മറ്റ് ദിവ്യാസ്ത്രങ്ങളെയും അസുരൻ പ്രതിരോധിച്ചു. ദേവി അയച്ച വേലും അവൻ തടുത്തു. ദേവിയപ്പോൾ പാശുപതാസ്ത്രം പ്രയോഗിക്കാനൊരുങ്ങവേ ഒരശരീരി കേട്ടു. 'ഇവന് വിഷ്ണു കവചം ഉള്ളിടത്തോളം കാലം പാശുപതാസ്ത്രം പോലും ബാധിക്കുകയില്ല. മാത്രമല്ല ബ്രഹ്മാവ് നല്കിയ വരബലത്താൽ ഇവന്റെ ഭാര്യയുടെ പാതിവ്രത്യം നില്ക്കുവോളം ഇവന് ജരാമരണങ്ങൾ സംഭവിക്കുകയുമില്ല.
ഭദ്രകാളി അസ്ത്ര പ്രയോഗം നടത്തിയില്ല. എന്നാലാ കോപമടക്കാൻ അവൾ ഒരു ലക്ഷം ദാനവരെ പിടിച്ചു തിന്നുകളഞ്ഞു. കാളി സൂര്യപ്രഭചിന്നുന്നൊരു വാളുമായി ദാനവന്റെ പിറകേ ചെന്നു. അവനതും പൊടിച്ചു കളഞ്ഞു. പിന്നീട് ശംഖചൂഡനെ വിഴുങ്ങാനായി ഓടിച്ചെല്ലവേ അവൻ ഭീമാകാരനായി വളർന്നു. ഉഗ്രരൂപിണിയായ കാളി വെറും കയ്യാൽ ശംഖചൂഡന്റെ രഥം അടിച്ചു തകർത്തു. കാളി എറിഞ്ഞ പ്രളയാഗ്നിക്കൊത്ത ശൂലത്തെ അസുരൻ ഇടംകൈകൊണ്ട് പിടിച്ചു. അപ്പോൾത്തന്നെ കാളി അവനെ പ്രഹരിക്കുകയും ചെയ്തു. പ്രഹരത്തിന്റെ ആഘാതത്തിൽ ബോധം നഷ്ടപ്പെട്ട ദാനവൻ പെട്ടെന്ന് ബോധം വീണ്ടു കിട്ടി എഴുന്നേറ്റു. ദേവിയോട് ബാഹുയുദ്ധത്തിനു മുതിരാതെ അവൻ ദേവിയെ പ്രണമിച്ചു. അവൻ ദേവിയുടെ ആയുധങ്ങളെ ഖണ്ഡിക്കുമെങ്കിലും മാതൃഭക്തി മൂലം ദേവിയെ പ്രഹരിക്കാൻ ശ്രമിച്ചില്ല. അമ്മയ്ക്കുനേരേ അസ്ത്രപ്രയോഗവും ഉണ്ടായില്ല.
അസുരനെ തലയ്ക്ക് മുകളിൽ പൊക്കിയെടുത്ത് കാളി വട്ടംചുഴറ്റി മേൽപ്പോട്ടെറിഞ്ഞു. താഴെ വീണ ശംഖചൂഡൻ ദേവിയെ നമിച്ചു. അനർഘരത്നങ്ങൾ പിടിപ്പിച്ച വിമാനത്തിലിരുന്ന് അവൻ യുദ്ധം തുടർന്നു. കാളിക ദൈത്യരുടെ ചോരയും മാംസവും കഴിച്ച് ക്ഷുത്തടക്കി ശിവസന്നിധിയിലെത്തി.
രണവൃത്താന്തം കേട്ട് മഹേശ്വരൻ പുഞ്ചിരിച്ചു. 'ലക്ഷം ദാനവർ ഇനിയും അവശേഷിക്കുന്നു. ബാക്കിയുളളവരെ ഞാൻ പിടിച്ചുതിന്നു. ശംഖചൂഡനെതിരെത്താൻ പാശുപതമെടുത്തപ്പോൾ നിനക്കവൻ അവധ്യനാണെന്ന് അശരീരിയുണ്ടായി. എന്തൊക്കെയായാലും ആ ദാനവശ്രേഷ്ഠൻ ജ്ഞാനിയും വീരനുമാണ്. എന്റെ അസ്ത്രങ്ങളെ ചെറുക്കുകയല്ലാതെ അവൻ എന്റെ നേരെ ഒരസ്ത്രം പോലുമയച്ചില്ല.'
സമാരുരോഹ യാനം ച സഹാമാത്യൈ: സ സത്വര:
ശിവ: സ്വസൈന്യം ദേവാംശ്ച പ്രേരയാമാസ സത്വരം
ദാനവേന്ദ്ര: സസൈന്യശ്ച യുദ്ധാരംഭേ ബഭൂവ ഹ
ശ്രീ നാരായണൻ പറഞ്ഞു: ആ ദാനവശ്രേഷ്ഠൻ പരമശിവനെ നമസ്ക്കരിച്ചശേഷം തൻ്റെ മന്ത്രിമാരുമായി പെട്ടെന്ന് വിമാനത്തിൽക്കയറി യാത്രയായി. ശിവനും തന്റെ ദേവസൈന്യത്തെ ഒരുക്കി. ശംഖചൂഡൻ അപ്പോഴേക്കും പോരിനൊരുങ്ങി സൈന്യവുമായി തയ്യാറായി നിന്നു.
മഹേന്ദ്രൻ വൃഷപർവ്വാവിനോടും ആദിത്യൻ വിപ്രചിത്തിയുമായും നേരിട്ട് ഏറ്റുമുട്ടി. ദംഭനോട് ചന്ദ്രനും കാളസ്വരനോട് കാലനും ഗോകർണ്ണനോട് അഗ്നിയും മയനോട് വിശ്വകർമ്മാവും ശ്രീദനോട് കാലകേയനും ഭയങ്കരനോട് മൃത്യുവും യമനോട് സംഹാരകനും വിശ്വകർമ്മാവ് മയനോടും വികങ്കണനോട് വരുണനും ചഞ്ചലനോട് സമീരണനും ഘൃതപൃഷ്ഠനോട് ബുധനും രക്താക്ഷനോട് ശനൈശ്വരനും രക്തസാരനോട് ജയന്തനും വർച്ചോഗണങ്ങളോട് വന്ധുക്കളും ദീപ്തിമാനോട് അശ്വികളും നളകൂബരൻമാരോട് ധൂമ്രരും ധുരന്ധരരോട് ധർമ്മനും ഉഷാക്ഷനോട് മംഗളനും ശോഭാകാരനോട് ഭാനുവും പിഠരനോട് മന്മഥനും, ഏറ്റുമുട്ടി.
പന്ത്രണ്ടു് ആദിത്യൻമാർ ചൂർണ്ണൻ, ഗോധാമുഖൻ ഖഡ്ഗൻ, ധ്വജൻ, കാഞ്ചീമുഖൻ, ധൂമ്രൻ, നന്ദി, വിശ്വൻ, പലാശൻ എന്നിവരുമായി യുദ്ധം ചെയ്തു.. പതിനൊന്ന് രുദ്രൻമാർ പതിനൊന്ന് ഉഗ്രൻമാരുമായി ഏറ്റുമുട്ടി. മഹാമാരിയുമായി ഉഗ്രചണ്ഡാദികളും നന്ദീശ്വരാദികളുമായി ദാനവപ്പടയും രണത്തിലേർപ്പെട്ടു.
ഇങ്ങിനെ യുദ്ധം കൊടുമ്പിരിക്കൊള്ളുമ്പോൾ ശംഭു സ്കന്ദനോടും കാളിയോടും കൂടി ഒരു പേരാൽച്ചുവട്ടിൽ നിലകൊണ്ടു. കോടി ദാനവൻമാരാൽ പരിസേവിതനായ ശംഖചൂഡൻ തന്റെ രത്നഖചിത സിംഹാസനത്തിൽ ഇരുപ്പുറപ്പിച്ചു. യുദ്ധക്കളത്തിൽ പരമശിവന്റെ സൈന്യം ദാനവപ്പടയോട് പൊരുതി തോറ്റു. ആയുധമേറ്റു മുറിഞ്ഞ ദേവൻമാർക്ക് സുബ്രഹ്മണ്യൻ അഭയമേകി. സ്കന്ദൻ ഒറ്റയ്ക്ക് ദാനവൻമാരുമായി പടപൊരുതി. നൂറ് അക്ഷൗഹിണി പടയേയും മുരുകൻ തോല്പിച്ചോടിച്ചു. കാളിയും അസുരൻമാരെ പീഡിപ്പിച്ചു. അവൾ രോഷത്തോടെ ദൈത്യരക്തം പാനം ചെയ്തു. ലക്ഷക്കണക്കിനായ മത്ത ഗജങ്ങളെ കാളി ഒറ്റവായിൽ അകത്താക്കി. തലയറ്റ കബന്ധങ്ങൾ രണഭൂമിയിൽ ചിതറിക്കിടന്നു.
രണശൂരദാനവർ സ്കന്ദശരമേറ്റ് മെയ് മുറിഞ്ഞ് പാലായനം തുടങ്ങി. എങ്കിലും വൃഷപർവ്വാവ്, വിപ്രചിത്തി, ദംഭൻ, വികങ്കണൻ, എന്നിവരെല്ലാം യുദ്ധക്കളത്തിൽ നിന്നും പിൻതിരിയാതെ സുബ്രഹ്മണ്യനോട് ഏറ്റുമുട്ടി. സ്കന്ദയുദ്ധം കണ്ട് ദേവതകൾ പുഷ്പവൃഷ്ടി നടത്തി. സ്കന്ദൻ യുദ്ധത്തിൽ ജയിച്ചു മുന്നേറുന്നതു കണ്ട രാജാവ് യുദ്ധവിമാനത്തിൽക്കയറി ശരവർഷം തുടങ്ങി. മഹാമാരിപോലെ പെയ്തിറങ്ങിയ ശരവർഷത്തിൽ എങ്ങും ഇരുട്ടു നിറഞ്ഞു. ഇടയ്ക്കിടക്ക് തീജ്വാലകളും ഉയർന്നു കാണായി .
നന്ദീശ്വരൻ തുടങ്ങിയ ദേവൻമാർ യുദ്ധക്കളത്തിൽ നിന്നും ഓടിയപ്പോഴും സ്കന്ദൻ ഒറ്റയ്ക്ക് രണം തുടർന്നു. ശംഖചൂഡൻ ശരം മാത്രമല്ല പർവ്വതങ്ങളും പാമ്പുകളും ശിലകളുമെല്ലാം സുന്ദന്റെ നേരേ തൊടുത്തുവിടാനാരംഭിച്ചു. മൂടൽ മഞ്ഞ് ആദിത്യനെ മറയ്ക്കുന്നതു പോലെ ശിവസുതനെ ശംഖചൂഡന്റെ ശരവൃഷ്ടി മൂടിക്കളഞ്ഞു. അപ്പോളാ ദാനവൻ സ്കന്ദന്റെ വില്ലു മുറിച്ച് കളഞ്ഞു. ദിവ്യരഥവും പീഠങ്ങളും തകർത്തു. ദിവ്യാസ്ത്രപ്രയോഗത്താൽ സ്കന്ദവാഹനമായ മയിലിനെ വശംകെടുത്തി ക്ഷീണിതനാക്കി. യക്ഷനെപ്പോലും നിഗ്രഹിക്കാൻ കഴിവുള്ള ഒരു വേൽ അസുരൻ ശിവപുത്രനു നേരേ ചാട്ടി. ക്ഷണനേരത്തേക്ക് ബോധമറ്റു വീണുപോയെങ്കിലും സ്കന്ദൻ പണ്ട് മഹാവിഷ്ണു നല്കിയിരുന്ന വില്ലെടുത്ത് തേരിലേറി പൂർവ്വാധികം വീര്യത്തോടെ ശരജാലവർഷം തുടങ്ങി.
ദാനവൻ തൊടുത്തുവിട്ട പർവ്വതത്തെയും പാറക്കല്ലിനെയും സർപ്പങ്ങളേയുമെല്ലാം ആ ശരങ്ങൾ തകർത്തു കളഞ്ഞു. ആഗ്നേയാസ്ത്രത്തെ വാരുണാസ്ത്രം ചെറുത്തു. ശംഖചൂഡന്റെ വില്ലും തേരും കിരീടവും സ്കന്ദൻ തരിപ്പണമാക്കി. എന്നിട്ട് വേലെടുത്ത് ദാനവന്റെ മാറ് ലക്ഷ്യമാക്കി പ്രയോഗിച്ചു. രാജാവ് ക്ഷണത്തിൽ ബോധംകെട്ടുവീണെങ്കിലും പെട്ടെന്നെഴുന്നേറ്റു. മറ്റൊരു വില്ലെടുത്ത് അയാൾ ശരവർഷം തുടർന്നു. കാർത്തികേയനു ചുറ്റും അമ്പുകൊണ്ട് അവനൊരു മറ തീർത്തു.
നൂറ് സൂര്യൻമാരുടെ കാന്തിയുള്ള വേൽ സ്കന്ദനിൽ നിന്നും അവൻ പിടിച്ചെടുത്തു. അവനത് ക്രോധത്തോടെ കാർത്തികേയനു നേരേ പ്രയോഗിച്ചു. അത് അദ്ദേഹത്തിന്റെ മാറിൽത്തന്നെ ചെന്നു കൊണ്ടു. മഹാപരാക്രമിയാണെങ്കിലും വിഷ്ണുതേജസ്സാർന്ന വേൽ കൊണ്ടു് സ്കന്ദൻ ബോധംകെട്ടുവീണു. കാളി ശിവസുതനെ കയ്യിലെടുത്ത് പിതാവിന്റെ അടുക്കലെത്തിച്ചു. പരമശിവൻ പുത്രനെ നിഷ്പ്രയാസം എഴുന്നേൽപ്പിച്ചു. അനന്തമായ ബലവും മകനു നൽകി.
പൂർവാധികം വീരത്തോടെ പടക്കിറങ്ങിയ സ്കന്ദനു കൂട്ടായി കാളിയും പുറപ്പെട്ടു. നന്ദീശ്വരൻമാരും ഗുഹനു പിറകിലെത്തി. പടക്കളത്തിൽ ഭേരിയും അട്ടഹാസവും മുഴങ്ങി. മദ്യം വഹിച്ചുകൊണ്ടു വരുന്നവരും ചെണ്ടകൊട്ടുന്നവരും കളത്തിലിറങ്ങി. കാളി സിംഹനാദം മുഴക്കി. ദാനവപ്പടയ്ക്ക് ഭയമുണ്ടാകുംവണ്ണം കാളി മദ്യം കഴിച്ചു കൂത്താടി. ഉഗ്രദംഷ്ട്ര, യോഗിനി, ഡാകിനി, കോടകി, ഉഗ്രദണ്ഡ എന്നിവരും സുരൻമാരും മദ്യം കുടിച്ചു. കാളിയുടെ വരവ് കണ്ടു് ശംഖചൂഡൻ രണഭൂമിയിൽ വന്ന് ദാനവപ്പടയ്ക്ക് അഭയം നല്കി.
കാളി പ്രളയത്തീപോലെ പ്രോജ്വലിക്കുന്ന ആഗ്നേയാസ്ത്രം പ്രയോഗിച്ചതിനെ ദാനവൻ പർജ്ജന്യാസ്ത്രം കൊണ്ടു് തടുത്തു. കളി വാരുണാസ്ത്രം പ്രയോഗിക്കേ അസുരൻ ഗന്ധർവ്വാസ്ത്രം കൊണ്ടു് അതിനെ തടുത്തു. കാളിയുടെ മാഹേശ്വരത്തെ വൈഷ്ണവം കൊണ്ടും ശംഖചൂഡൻ ചെറുത്തു. എന്നാൽ കാളി മന്ത്രപുരസ്സരം അയച്ച നാരായണാസ്ത്രത്തെ അസുരൻ കൈതൊഴുത് വണങ്ങുകയാണ് ചെയ്തത്. പ്രളയാഗ്നിക്കു തുല്യം ശക്തിമത്തായ ശരം നേരേ ആകാശത്തേക്ക് കുതിക്കവേ ദാനവൻ ഭൂമിയിൽ വീണു നമസ്ക്കരിച്ചു.
കാളി അയച്ച ബ്രഹ്മാസ്ത്രത്തെ അതേ അസ്ത്രം പ്രയോഗിച്ചാണ് ശംഖചൂഡൻ പ്രതിരോധിച്ചത്. കാളിയുടെ മറ്റ് ദിവ്യാസ്ത്രങ്ങളെയും അസുരൻ പ്രതിരോധിച്ചു. ദേവി അയച്ച വേലും അവൻ തടുത്തു. ദേവിയപ്പോൾ പാശുപതാസ്ത്രം പ്രയോഗിക്കാനൊരുങ്ങവേ ഒരശരീരി കേട്ടു. 'ഇവന് വിഷ്ണു കവചം ഉള്ളിടത്തോളം കാലം പാശുപതാസ്ത്രം പോലും ബാധിക്കുകയില്ല. മാത്രമല്ല ബ്രഹ്മാവ് നല്കിയ വരബലത്താൽ ഇവന്റെ ഭാര്യയുടെ പാതിവ്രത്യം നില്ക്കുവോളം ഇവന് ജരാമരണങ്ങൾ സംഭവിക്കുകയുമില്ല.
ഭദ്രകാളി അസ്ത്ര പ്രയോഗം നടത്തിയില്ല. എന്നാലാ കോപമടക്കാൻ അവൾ ഒരു ലക്ഷം ദാനവരെ പിടിച്ചു തിന്നുകളഞ്ഞു. കാളി സൂര്യപ്രഭചിന്നുന്നൊരു വാളുമായി ദാനവന്റെ പിറകേ ചെന്നു. അവനതും പൊടിച്ചു കളഞ്ഞു. പിന്നീട് ശംഖചൂഡനെ വിഴുങ്ങാനായി ഓടിച്ചെല്ലവേ അവൻ ഭീമാകാരനായി വളർന്നു. ഉഗ്രരൂപിണിയായ കാളി വെറും കയ്യാൽ ശംഖചൂഡന്റെ രഥം അടിച്ചു തകർത്തു. കാളി എറിഞ്ഞ പ്രളയാഗ്നിക്കൊത്ത ശൂലത്തെ അസുരൻ ഇടംകൈകൊണ്ട് പിടിച്ചു. അപ്പോൾത്തന്നെ കാളി അവനെ പ്രഹരിക്കുകയും ചെയ്തു. പ്രഹരത്തിന്റെ ആഘാതത്തിൽ ബോധം നഷ്ടപ്പെട്ട ദാനവൻ പെട്ടെന്ന് ബോധം വീണ്ടു കിട്ടി എഴുന്നേറ്റു. ദേവിയോട് ബാഹുയുദ്ധത്തിനു മുതിരാതെ അവൻ ദേവിയെ പ്രണമിച്ചു. അവൻ ദേവിയുടെ ആയുധങ്ങളെ ഖണ്ഡിക്കുമെങ്കിലും മാതൃഭക്തി മൂലം ദേവിയെ പ്രഹരിക്കാൻ ശ്രമിച്ചില്ല. അമ്മയ്ക്കുനേരേ അസ്ത്രപ്രയോഗവും ഉണ്ടായില്ല.
അസുരനെ തലയ്ക്ക് മുകളിൽ പൊക്കിയെടുത്ത് കാളി വട്ടംചുഴറ്റി മേൽപ്പോട്ടെറിഞ്ഞു. താഴെ വീണ ശംഖചൂഡൻ ദേവിയെ നമിച്ചു. അനർഘരത്നങ്ങൾ പിടിപ്പിച്ച വിമാനത്തിലിരുന്ന് അവൻ യുദ്ധം തുടർന്നു. കാളിക ദൈത്യരുടെ ചോരയും മാംസവും കഴിച്ച് ക്ഷുത്തടക്കി ശിവസന്നിധിയിലെത്തി.
രണവൃത്താന്തം കേട്ട് മഹേശ്വരൻ പുഞ്ചിരിച്ചു. 'ലക്ഷം ദാനവർ ഇനിയും അവശേഷിക്കുന്നു. ബാക്കിയുളളവരെ ഞാൻ പിടിച്ചുതിന്നു. ശംഖചൂഡനെതിരെത്താൻ പാശുപതമെടുത്തപ്പോൾ നിനക്കവൻ അവധ്യനാണെന്ന് അശരീരിയുണ്ടായി. എന്തൊക്കെയായാലും ആ ദാനവശ്രേഷ്ഠൻ ജ്ഞാനിയും വീരനുമാണ്. എന്റെ അസ്ത്രങ്ങളെ ചെറുക്കുകയല്ലാതെ അവൻ എന്റെ നേരെ ഒരസ്ത്രം പോലുമയച്ചില്ല.'
No comments:
Post a Comment