ദിവസം 276 ശ്രീമദ്‌ ദേവീഭാഗവതം. 10-4 . സങ്കടനിവേദനം
തത : സർവ്വേ സുരഗണാ മഹേന്ദ്രപ്രമുഖാസ്തദാ
പത്മയോനിം പുരസ്കൃത്യ രുദ്രം ശരണമന്വയു:
ഉതസ്ഥു: പ്രണതിഭി: സ്തോത്രൈശ്ചാരുവിഭൂതിഭിഃ
ദേവദേവം ഗിരിശയം ശശിലാളിതശേഖരം
സൂതൻ പറഞ്ഞു: മഹേന്ദ്രനും മറ്റ് പ്രമുഖരായ ദേവന്മാരും കൂടി ബ്രഹ്മാവിനെ മുന്നിൽ നിർത്തി സങ്കടം പറയാൻ രുദ്രദേവനെ സമീപിച്ചു. ചന്ദ്രചൂഡനായ മഹേശ്വരനെ പ്രീതിപ്പെടുത്താൻ അവർ മാഹാത്മ്യമേറുന്ന സ്തോത്രങ്ങൾ ആലപിച്ചു.
ദേവൻമാർ മഹാദേവനെ ഇങ്ങിനെ വാഴ്ത്തി: "പാർവ്വതീദേവിയാൽ ദിനവും തഴുകപ്പെടുന്ന കാൽത്താരിണകൾക്കുടയവനായ മഹേശാ, ഭക്തന് അഭീഷ്ടങ്ങൾ കനിഞ്ഞരുളുന്ന ഈശാ, മഹാമായയ്ക്ക് ഇരിപ്പിടമായുള്ള വെള്ളിമാമലയിൽ വസിക്കുന്ന ദേവാ, പരമാത്മാവേ, കൈലാസവാസീ, വൃഷഭധ്വജനേ, മാന്യനായും, മാനദായിനിയായും, മാനാതീതസ്വരൂപനായും, അജനായും, ബഹുരൂപനായും ഭൂതഗണാധിപനായും, ബ്രഹ്മരൂപനായും, ഗണേശനായും, ഗിരിശനായും, വർത്തിക്കുന്നവനേ, മഹാവിഷ്ണുവിനാൽ സദാ സ്തുതിക്കപ്പെടുന്ന ദേവദേവാ, യോഗികളുടെയും മാഹാവിഷ്ണുവിന്റെയും ഹൃദയകമലത്തിൽ വസിക്കുന്നവനേ, പരനേ, മഹായോഗരതനേ, യോഗനാഥനേ, അങ്ങേയ്ക്ക് നമസ്ക്കാരം. യോഗഗമ്യനും യോഗങ്ങൾക്കെല്ലാം ഫലമേകുന്നവനുമായ അവിടുന്ന് ദീനാനുകമ്പയുള്ളവനാണ്. ഉഗ്രമൂർത്തിയും ആർത്തി നാശനനും ഗുണമൂർത്തിയും കാലസ്വരൂപനും കാലകാലനുമായ ഭഗവാനേ, ഞങ്ങൾ അവിടുത്തെ മുന്നിൽ കൈകൂപ്പി ശരണം പണിയുന്നു.
ദേവൻമാരുടെ സ്തുതി കേട്ട് സംപ്രീതനായ പരമശിവൻ അവരുടെ അഭീഷ്ടമെന്താണെങ്കിലും അത് നിറവേറ്റാമെന്ന് അനുഗ്രഹിച്ചു. അപ്പോൾ ദേവൻമാർ അവരുടെ ആഗമനോദ്ദേശം അറിയിച്ചു. "ദേവദേവാ, ആർത്തത്രാണപരായണാ, ഗിരീശാ, തിങ്കൾക്കലാധരാ, ഞങ്ങൾക്ക് ശുഭമണച്ചാലും. വിന്ധ്യനെന്ന മഹാപർവ്വതം മേരുവിനോടുള്ള സ്പർദ്ധ നിമിത്തം അമിതമായി വളർന്ന് ആദിത്യന്റെ ഗതി മുടക്കിയിരിക്കുന്നു. അതെല്ലാവരെയും കഷ്ടത്തിലാക്കിയിരിക്കുന്നു. വിന്ധ്യന്റെയീ അഹങ്കാരമൊടുക്കി അവിടുന്ന് ദിനകരന്റെ സഞ്ചാരം പുനസ്ഥാപിച്ച് ഞങ്ങളെ സംരക്ഷിക്കണം. ഭാനുവില്ലാതെ കാലഗണന അസാദ്ധ്യമാണ്. ഹവ്യകവ്യാദികൾ മുടങ്ങി സ്വാഹയും സ്വധയുമില്ലാതെ ദേവൻമാരും പിതൃക്കളും കഷ്ടത്തിലാണ്. ഗിരിജാപതേ, അങ്ങല്ലാതെ ആരുമില്ലൊരു ശരണം. അവിടുന്ന് ഞങ്ങളിൽ പ്രസാദിച്ചാലും.
ഭഗവാൻ പറഞ്ഞു: വിന്ധ്യനെ തടയാൻ എനിക്ക് കഴിവില്ല. നമുക്ക് ഭഗവാൻ വിഷ്ണുവിനെ ചെന്ന് കണ്ട് സങ്കടമുണർത്തിക്കാം. കാരണാത്മാവായ വൈകുണ്ഠവാസി സകലർക്കും സംപൂജ്യനാണ്. അദ്ദേഹം നിങ്ങളുടെ ദുഖത്തിന് അറുതി വരുത്തും.
ദേവൻമാരും ബ്രഹ്മാവും പരമശിവനെ മുന്നിൽ നിർത്തി വൈകുണ്ഠത്തിലേയ്ക്ക് പുറപ്പെട്ടു.
തത : സർവ്വേ സുരഗണാ മഹേന്ദ്രപ്രമുഖാസ്തദാ
പത്മയോനിം പുരസ്കൃത്യ രുദ്രം ശരണമന്വയു:
ഉതസ്ഥു: പ്രണതിഭി: സ്തോത്രൈശ്ചാരുവിഭൂതിഭിഃ
ദേവദേവം ഗിരിശയം ശശിലാളിതശേഖരം
സൂതൻ പറഞ്ഞു: മഹേന്ദ്രനും മറ്റ് പ്രമുഖരായ ദേവന്മാരും കൂടി ബ്രഹ്മാവിനെ മുന്നിൽ നിർത്തി സങ്കടം പറയാൻ രുദ്രദേവനെ സമീപിച്ചു. ചന്ദ്രചൂഡനായ മഹേശ്വരനെ പ്രീതിപ്പെടുത്താൻ അവർ മാഹാത്മ്യമേറുന്ന സ്തോത്രങ്ങൾ ആലപിച്ചു.
ദേവൻമാർ മഹാദേവനെ ഇങ്ങിനെ വാഴ്ത്തി: "പാർവ്വതീദേവിയാൽ ദിനവും തഴുകപ്പെടുന്ന കാൽത്താരിണകൾക്കുടയവനായ മഹേശാ, ഭക്തന് അഭീഷ്ടങ്ങൾ കനിഞ്ഞരുളുന്ന ഈശാ, മഹാമായയ്ക്ക് ഇരിപ്പിടമായുള്ള വെള്ളിമാമലയിൽ വസിക്കുന്ന ദേവാ, പരമാത്മാവേ, കൈലാസവാസീ, വൃഷഭധ്വജനേ, മാന്യനായും, മാനദായിനിയായും, മാനാതീതസ്വരൂപനായും, അജനായും, ബഹുരൂപനായും ഭൂതഗണാധിപനായും, ബ്രഹ്മരൂപനായും, ഗണേശനായും, ഗിരിശനായും, വർത്തിക്കുന്നവനേ, മഹാവിഷ്ണുവിനാൽ സദാ സ്തുതിക്കപ്പെടുന്ന ദേവദേവാ, യോഗികളുടെയും മാഹാവിഷ്ണുവിന്റെയും ഹൃദയകമലത്തിൽ വസിക്കുന്നവനേ, പരനേ, മഹായോഗരതനേ, യോഗനാഥനേ, അങ്ങേയ്ക്ക് നമസ്ക്കാരം. യോഗഗമ്യനും യോഗങ്ങൾക്കെല്ലാം ഫലമേകുന്നവനുമായ അവിടുന്ന് ദീനാനുകമ്പയുള്ളവനാണ്. ഉഗ്രമൂർത്തിയും ആർത്തി നാശനനും ഗുണമൂർത്തിയും കാലസ്വരൂപനും കാലകാലനുമായ ഭഗവാനേ, ഞങ്ങൾ അവിടുത്തെ മുന്നിൽ കൈകൂപ്പി ശരണം പണിയുന്നു.
ദേവൻമാരുടെ സ്തുതി കേട്ട് സംപ്രീതനായ പരമശിവൻ അവരുടെ അഭീഷ്ടമെന്താണെങ്കിലും അത് നിറവേറ്റാമെന്ന് അനുഗ്രഹിച്ചു. അപ്പോൾ ദേവൻമാർ അവരുടെ ആഗമനോദ്ദേശം അറിയിച്ചു. "ദേവദേവാ, ആർത്തത്രാണപരായണാ, ഗിരീശാ, തിങ്കൾക്കലാധരാ, ഞങ്ങൾക്ക് ശുഭമണച്ചാലും. വിന്ധ്യനെന്ന മഹാപർവ്വതം മേരുവിനോടുള്ള സ്പർദ്ധ നിമിത്തം അമിതമായി വളർന്ന് ആദിത്യന്റെ ഗതി മുടക്കിയിരിക്കുന്നു. അതെല്ലാവരെയും കഷ്ടത്തിലാക്കിയിരിക്കുന്നു. വിന്ധ്യന്റെയീ അഹങ്കാരമൊടുക്കി അവിടുന്ന് ദിനകരന്റെ സഞ്ചാരം പുനസ്ഥാപിച്ച് ഞങ്ങളെ സംരക്ഷിക്കണം. ഭാനുവില്ലാതെ കാലഗണന അസാദ്ധ്യമാണ്. ഹവ്യകവ്യാദികൾ മുടങ്ങി സ്വാഹയും സ്വധയുമില്ലാതെ ദേവൻമാരും പിതൃക്കളും കഷ്ടത്തിലാണ്. ഗിരിജാപതേ, അങ്ങല്ലാതെ ആരുമില്ലൊരു ശരണം. അവിടുന്ന് ഞങ്ങളിൽ പ്രസാദിച്ചാലും.
ഭഗവാൻ പറഞ്ഞു: വിന്ധ്യനെ തടയാൻ എനിക്ക് കഴിവില്ല. നമുക്ക് ഭഗവാൻ വിഷ്ണുവിനെ ചെന്ന് കണ്ട് സങ്കടമുണർത്തിക്കാം. കാരണാത്മാവായ വൈകുണ്ഠവാസി സകലർക്കും സംപൂജ്യനാണ്. അദ്ദേഹം നിങ്ങളുടെ ദുഖത്തിന് അറുതി വരുത്തും.
ദേവൻമാരും ബ്രഹ്മാവും പരമശിവനെ മുന്നിൽ നിർത്തി വൈകുണ്ഠത്തിലേയ്ക്ക് പുറപ്പെട്ടു.
No comments:
Post a Comment