ദിവസം 274 ശ്രീമദ്‌ ദേവീഭാഗവതം. 10-2. വിന്ധ്യചരിതം
ഭൂമിപാല മഹാബാഹോ സർവമേതദ്ഭവിഷ്യതി
യത്ത്വയാ പ്രാർത്ഥിതം തത്തേ ദദാമി മനുജാധിപ
അഹം പ്രസന്നാ ദൈത്യേന്ദ്രനാശനാfമോഘവിക്രമാ
വാഗ്ഭവസ്യ ജപേനൈവ തപസാ തേ സുനിശ്ചിതം
ശ്രീദേവി പറഞ്ഞു: "അല്ലയോ മഹാബാഹോ അങ്ങാഗ്രഹിച്ചതെല്ലാം സഫലമാവാൻ ഞാനിതാ അനുഗ്രഹിക്കുന്നു. നിന്റെ തപസ്സിൽ ഞാൻ തുഷ്ടയാണ്. ദൈത്യരെ നിശ്ശേഷം ഇല്ലാതാക്കാൻ എനിക്കു സാധിക്കും. നിന്റെ രാജ്യത്തിന് ശത്രുക്കൾ ഉണ്ടാവുകയില്ല. പുത്രന്മാരിലൂടെ നിനക്ക് വംശവൃദ്ധിയും ഉണ്ടാവും. അവസാനം എന്നിൽ ഭക്തിയും തദ്വാരാ മുക്തിപദവും പ്രാപിക്കട്ടെ." ദേവി ഇത്രയും അരുളിച്ചെയ്ത് വിന്ധ്യാചലത്തിന് അപ്പുറത്തേക്ക് അപ്രത്യക്ഷയായി. പണ്ട് ഈ വിന്ധ്യാ പർവ്വതം ആകാശംമുട്ടെ വളർന്ന് സൂര്യനെപ്പോലും തടയാൻ ഒരുങ്ങവേ അഗസ്ത്യമുനിയാണ് അതിനെ താഴ്ത്തി നിർത്തിയത്. അവിടെ വാണരുളുന്ന കൃഷ്ണസോദരിയായ ദേവി സകലർക്കും സമ്പൂജ്യയത്രേ.
ഋഷിമാർ പറഞ്ഞു: അങ്ങ് വിന്ധ്യാചലം ആകാശം മുട്ടാൻ തുടങ്ങിയെന്ന് പറഞ്ഞു. അതിന്റെ കഥയെന്താണ്? സൂര്യന്റെ ഗതി മുടക്കാൻ ആ ശൈലം എന്തിനാണ് ശ്രമിച്ചത്? അഗസ്ത്യമുനി എങ്ങിനെയാണ് പർവ്വതത്തെ പഴയ നിലയിലാക്കിയത്? അങ്ങ് ദേവീചരിതം പറയുന്നത് കേൾക്കുമ്പോൾ കൂടുതൽ കേൾക്കാനുള്ള ആഗ്രഹം വർദ്ധിക്കുന്നു.
സൂതൻ പറഞ്ഞു: മഹാവനങ്ങളും വൻവൃക്ഷങ്ങളും വള്ളിച്ചെടികളും ദുഷ്ട-ശിഷ്ട മൃഗസഞ്ചയങ്ങളും നിറഞ്ഞയിടമാണ് വിന്ധ്യാചലം. ദേവകിന്നരവർഗ്ഗങ്ങളും അപ്സരസ്സുകളും അവിടെ യഥേഷ്ടം വിഹരിക്കുന്നു. നദികളും ഫലവൃക്ഷങ്ങളും ഉദ്യാനങ്ങളും നിറഞ്ഞ മനോജ്ഞമായ ഒരിടമാണ് വിന്ധ്യാപർവ്വതം. നാടുചുറ്റിവരുന്ന നാരദമുനി ഒരിക്കലവിടെ എത്തിച്ചേർന്നു. ദേവർഷിയെ കണ്ടപാടെ വിന്ധ്യൻ എഴുന്നേറ്റ് മുനിയെ സ്വീകരിച്ചു. അർഘ്യപാദ്യാദികൾ ഉപചാരപൂർവ്വം നൽകി കുശലം ചോദിച്ചു. 'അങ്ങ് ഇപ്പോളെവിടെ നിന്നു വരുന്നുവെന്നും ഇപ്പോൾ എന്റെയീ ഭവനത്തെ പരിശുദ്ധമാക്കാനായി ആഗതനായത് എന്തുകൊണ്ടാണെന്നും പറഞ്ഞു തന്നാലും അങ്ങും ലോകോപകാരാർത്ഥം സൂര്യനെപ്പോലെ ഭൂമിയെ വലം വയ്ക്കുന്നു.'
നാരദൻ പറഞ്ഞു: ഇന്ദ്രന്റെ ശത്രുവായ രാജാവേ, ഞാനിപ്പോൾ മേരു പർവ്വതത്തിൽ നിന്നുമാണ് വരുന്നത്. അവിടെ ഇന്ദ്രാദി ലോകപാലൻമാരുടെ വസതികൾ കാണുകയുണ്ടായി. അവയുടെ ഐശ്വര്യവും പ്രതാപവും ഒന്നു കാണേണ്ടതു തന്നെ.' ഇത്രയും പറഞ്ഞ് മുനി ഒരു നെടുവീർപ്പിട്ടു. മുനിയെന്തിനാണ് ഇങ്ങിനെ നെടുവീർപ്പിട്ടത് എന്ന് പർവ്വതരാജനായ വിന്ധ്യൻ ചോദിച്ചു.
അപ്പോൾ നാരദൻ അതിന്റെ കാരണം വിശദീകരിച്ചു. "പർവ്വതരാജനായ ഹിമവാൻ പരമശിവനുമായുള്ള ബന്ധം നിമിത്തം സകലർക്കും ആരാധ്യനാണ്. പ്രത്യേകിച്ച് പർവ്വതങ്ങൾക്ക് ഹിമവാൻ സമ്പൂജ്യനാണ്. അതുപോലെ പരമശിവന്റെ ആസ്ഥാനമാകയാൽ കൈലാസവും സുപ്രസിദ്ധമത്രേ. സകലപാപങ്ങൾക്കും അറുതി വരുത്താൻ കൈലാസദർശനത്തിനു സാധിക്കുമല്ലോ. നിഷേധപർവ്വതം, നീലാദ്രി, ഗന്ധമാദനം, എന്നിവയും അതാതിടങ്ങളിൽ സമ്പൂജ്യരാണ്. എന്നാൽ മേരുപർവ്വതം ഊറ്റം കൊള്ളുന്നത് താനാണ് ഏറ്റവും ശ്രേഷ്ഠൻ എന്നാണ്. കാരണം സഹസ്രകിരണനായ ദിവാകരൻ നക്ഷത്രങ്ങളുടെ അകമ്പടിയോടെ സദാ പ്രദക്ഷിണംചെയ്യുന്നത് തന്നെയാണ് എന്ന് മേരുഗിരി അഹങ്കരിക്കുന്നു. ആ പർവ്വതത്തിന്റെ ഔദ്ധത്യത്തെപ്പറ്റി ഓർത്താണ് ഞാൻ ഖിന്നനായി നെടുവീർപ്പിടുന്നത്. തപോബലമുള്ളവർക്ക് ഇതൊരു വിഷയമല്ല. എങ്കിലും സന്ദർഭവശാൽ അങ്ങു ചോദിച്ചതുകൊണ്ട് പറഞ്ഞുവെന്നേയുള്ളു. എന്നു പറഞ്ഞ് നാരദൻ ബ്രഹ്മലോകത്തേക്കു തിരിച്ചു പോയി.
ഭൂമിപാല മഹാബാഹോ സർവമേതദ്ഭവിഷ്യതി
യത്ത്വയാ പ്രാർത്ഥിതം തത്തേ ദദാമി മനുജാധിപ
അഹം പ്രസന്നാ ദൈത്യേന്ദ്രനാശനാfമോഘവിക്രമാ
വാഗ്ഭവസ്യ ജപേനൈവ തപസാ തേ സുനിശ്ചിതം
ശ്രീദേവി പറഞ്ഞു: "അല്ലയോ മഹാബാഹോ അങ്ങാഗ്രഹിച്ചതെല്ലാം സഫലമാവാൻ ഞാനിതാ അനുഗ്രഹിക്കുന്നു. നിന്റെ തപസ്സിൽ ഞാൻ തുഷ്ടയാണ്. ദൈത്യരെ നിശ്ശേഷം ഇല്ലാതാക്കാൻ എനിക്കു സാധിക്കും. നിന്റെ രാജ്യത്തിന് ശത്രുക്കൾ ഉണ്ടാവുകയില്ല. പുത്രന്മാരിലൂടെ നിനക്ക് വംശവൃദ്ധിയും ഉണ്ടാവും. അവസാനം എന്നിൽ ഭക്തിയും തദ്വാരാ മുക്തിപദവും പ്രാപിക്കട്ടെ." ദേവി ഇത്രയും അരുളിച്ചെയ്ത് വിന്ധ്യാചലത്തിന് അപ്പുറത്തേക്ക് അപ്രത്യക്ഷയായി. പണ്ട് ഈ വിന്ധ്യാ പർവ്വതം ആകാശംമുട്ടെ വളർന്ന് സൂര്യനെപ്പോലും തടയാൻ ഒരുങ്ങവേ അഗസ്ത്യമുനിയാണ് അതിനെ താഴ്ത്തി നിർത്തിയത്. അവിടെ വാണരുളുന്ന കൃഷ്ണസോദരിയായ ദേവി സകലർക്കും സമ്പൂജ്യയത്രേ.
ഋഷിമാർ പറഞ്ഞു: അങ്ങ് വിന്ധ്യാചലം ആകാശം മുട്ടാൻ തുടങ്ങിയെന്ന് പറഞ്ഞു. അതിന്റെ കഥയെന്താണ്? സൂര്യന്റെ ഗതി മുടക്കാൻ ആ ശൈലം എന്തിനാണ് ശ്രമിച്ചത്? അഗസ്ത്യമുനി എങ്ങിനെയാണ് പർവ്വതത്തെ പഴയ നിലയിലാക്കിയത്? അങ്ങ് ദേവീചരിതം പറയുന്നത് കേൾക്കുമ്പോൾ കൂടുതൽ കേൾക്കാനുള്ള ആഗ്രഹം വർദ്ധിക്കുന്നു.
സൂതൻ പറഞ്ഞു: മഹാവനങ്ങളും വൻവൃക്ഷങ്ങളും വള്ളിച്ചെടികളും ദുഷ്ട-ശിഷ്ട മൃഗസഞ്ചയങ്ങളും നിറഞ്ഞയിടമാണ് വിന്ധ്യാചലം. ദേവകിന്നരവർഗ്ഗങ്ങളും അപ്സരസ്സുകളും അവിടെ യഥേഷ്ടം വിഹരിക്കുന്നു. നദികളും ഫലവൃക്ഷങ്ങളും ഉദ്യാനങ്ങളും നിറഞ്ഞ മനോജ്ഞമായ ഒരിടമാണ് വിന്ധ്യാപർവ്വതം. നാടുചുറ്റിവരുന്ന നാരദമുനി ഒരിക്കലവിടെ എത്തിച്ചേർന്നു. ദേവർഷിയെ കണ്ടപാടെ വിന്ധ്യൻ എഴുന്നേറ്റ് മുനിയെ സ്വീകരിച്ചു. അർഘ്യപാദ്യാദികൾ ഉപചാരപൂർവ്വം നൽകി കുശലം ചോദിച്ചു. 'അങ്ങ് ഇപ്പോളെവിടെ നിന്നു വരുന്നുവെന്നും ഇപ്പോൾ എന്റെയീ ഭവനത്തെ പരിശുദ്ധമാക്കാനായി ആഗതനായത് എന്തുകൊണ്ടാണെന്നും പറഞ്ഞു തന്നാലും അങ്ങും ലോകോപകാരാർത്ഥം സൂര്യനെപ്പോലെ ഭൂമിയെ വലം വയ്ക്കുന്നു.'
നാരദൻ പറഞ്ഞു: ഇന്ദ്രന്റെ ശത്രുവായ രാജാവേ, ഞാനിപ്പോൾ മേരു പർവ്വതത്തിൽ നിന്നുമാണ് വരുന്നത്. അവിടെ ഇന്ദ്രാദി ലോകപാലൻമാരുടെ വസതികൾ കാണുകയുണ്ടായി. അവയുടെ ഐശ്വര്യവും പ്രതാപവും ഒന്നു കാണേണ്ടതു തന്നെ.' ഇത്രയും പറഞ്ഞ് മുനി ഒരു നെടുവീർപ്പിട്ടു. മുനിയെന്തിനാണ് ഇങ്ങിനെ നെടുവീർപ്പിട്ടത് എന്ന് പർവ്വതരാജനായ വിന്ധ്യൻ ചോദിച്ചു.
അപ്പോൾ നാരദൻ അതിന്റെ കാരണം വിശദീകരിച്ചു. "പർവ്വതരാജനായ ഹിമവാൻ പരമശിവനുമായുള്ള ബന്ധം നിമിത്തം സകലർക്കും ആരാധ്യനാണ്. പ്രത്യേകിച്ച് പർവ്വതങ്ങൾക്ക് ഹിമവാൻ സമ്പൂജ്യനാണ്. അതുപോലെ പരമശിവന്റെ ആസ്ഥാനമാകയാൽ കൈലാസവും സുപ്രസിദ്ധമത്രേ. സകലപാപങ്ങൾക്കും അറുതി വരുത്താൻ കൈലാസദർശനത്തിനു സാധിക്കുമല്ലോ. നിഷേധപർവ്വതം, നീലാദ്രി, ഗന്ധമാദനം, എന്നിവയും അതാതിടങ്ങളിൽ സമ്പൂജ്യരാണ്. എന്നാൽ മേരുപർവ്വതം ഊറ്റം കൊള്ളുന്നത് താനാണ് ഏറ്റവും ശ്രേഷ്ഠൻ എന്നാണ്. കാരണം സഹസ്രകിരണനായ ദിവാകരൻ നക്ഷത്രങ്ങളുടെ അകമ്പടിയോടെ സദാ പ്രദക്ഷിണംചെയ്യുന്നത് തന്നെയാണ് എന്ന് മേരുഗിരി അഹങ്കരിക്കുന്നു. ആ പർവ്വതത്തിന്റെ ഔദ്ധത്യത്തെപ്പറ്റി ഓർത്താണ് ഞാൻ ഖിന്നനായി നെടുവീർപ്പിടുന്നത്. തപോബലമുള്ളവർക്ക് ഇതൊരു വിഷയമല്ല. എങ്കിലും സന്ദർഭവശാൽ അങ്ങു ചോദിച്ചതുകൊണ്ട് പറഞ്ഞുവെന്നേയുള്ളു. എന്നു പറഞ്ഞ് നാരദൻ ബ്രഹ്മലോകത്തേക്കു തിരിച്ചു പോയി.
No comments:
Post a Comment