ദിവസം 271. ശ്രീമദ്‌ ദേവീഭാഗവതം. 9- 49. സുരഭ്യൂപാഖ്യാനം
കാ വാ സാ സുരഭിർദേവീ ഗോലോകാദാഗതാ ച യാ
തജ്ജന്മചരിതം ബ്രഹ്മൻ ശ്രോതുമിച്ഛാമി യത്നത:
ഗവാമധിഷ്ഠാതൃദേവീ ഗവാമാദ്യാ ഗവാം പ്രസൂ:
ഗവാം പ്രധാനാ സുരഭിർ ഗോലോകേ സാ സമുദ്ഭവാ
നാരദൻ ചോദിച്ചു: ഗോലോകത്തുനിന്നും വന്ന സുരഭീ ദേവി ആരാണ്? ആ ദേവിയുടെ കഥയും കൂടി പറഞ്ഞു തന്നാലും.
ശ്രീ നാരായണൻ പറഞ്ഞു: ഗോക്കളുടെ ജനനിയായ സുരഭീദേവി ജനിച്ചത് ഗോലോകത്താണ്. ഗോക്കളിൽ ആദ്യമായി ജനിച്ചത് കാമധേനുവായ സുരഭിയാണ്. അവളുടെ പൂർവകഥ ഞാൻ പറഞ്ഞുതരാം. ഒരിക്കൽ ശ്രീകൃഷ്ണൻ രാധാദേവിയുമായി വൃന്ദാവനത്തിൽ ചെന്നു. അവിടെ രാസകേളിയിൽ മുഴുകിയിരുന്ന ഭഗവാന് പാലുകുടിക്കാൻ ആഗ്രഹം തോന്നി. ഉടനെതന്നെ അദ്ദേഹം തന്‍റെ ഇടതുവശത്തുനിന്ന് മനോരഥൻ എന്ന് പേരുള്ള കിടാവോടു കൂടി കാമധേനുവായ സുരഭീദേവിയെ സൃഷ്ടിച്ചു. ആ പശുവില്‍ നിന്നും ജന്മമൃത്യുജരകളെ ഇല്ലാതാക്കുന്ന അമൃതിനേക്കാൾ പരിശുദ്ധമായ നറുംപാൽ സുദാമാവ് യഥേഷ്ടം കറന്നെടുത്തു. ഗോപികാകാന്തനായ ഭഗവാൻ ആ പാൽ ആവശ്യം പോലെ പാനം ചെയ്തു.
ഭഗവാന്‍റെ കയ്യിൽ നിന്നും പാൽത്തളിക താഴെവീണ് അവിടെയൊരു പാൽത്തടാകം തന്നെയുണ്ടായി. നൂറു യോജന നീളവും വീതിയുമുള്ള ആ തടാകം വൃന്ദാവനത്തിലെ കേളീസരോവരമായി. രാധയും മറ്റ് ഗോപികമാരും അവിടെ യഥേഷ്ടം ക്രീഡിച്ചു നടന്നു. ആ ക്ഷീരതടാകത്തിന്റെ പടവുകൾ നിര്‍മിച്ചിരുന്നത് രത്നം പതിച്ച വിശേഷങ്ങളായ കല്ലുകൾ കൊണ്ടായിരുന്നു. ക്ഷണത്തിലവിടെ സുരഭീ ദേവിയുടെ രോമകൂപങ്ങൾ ഓരോന്നിൽ നിന്നും ഗോപൻമാരുടെയത്രയെണ്ണം പശുക്കൾ ഉണ്ടായി. അവയ്ക്കെല്ലാം കിടാങ്ങളും ഉണ്ടായിരുന്നു. ഇങ്ങിനെയാണത്രേ ലോകം മുഴുവനും ഗോക്കളെക്കൊണ്ട് സമൃദ്ധമായിത്തീർന്നത്!
ആദ്യം ഭഗവാൻ സ്വയം ഗോപൂജ നടത്തി. അതു കഴിഞ്ഞ് ഇക്കാലമത്രയും ശ്രീകൃഷ്ണന്‍റെ നിർദ്ദേശപ്രകാരം മൂന്നു ലോകങ്ങളിലും ധേനുപൂജ നടന്നു വരുന്നു. പ്രധാനമായും ദീപാവലിയുടെ പിറ്റേന്നാണ് ഗോപൂജ നടത്തുന്നത്. ഈ പൂജയ്ക്ക് ആവശ്യമായ ധ്യാനം, സ്തോത്രം, മൂലമന്ത്രം, പൂജാവിധികൾ എന്നിവയെല്ലാം ഞാൻ പറയാം. ഇവ വേദോക്തങ്ങളാണെന്ന് അങ്ങേയ്ക്ക് അറിയാമല്ലോ.
"ഓം സുരഭ്യൈ നമ:" എന്നതാണ് ഷഡക്ഷരാത്മകമായ മൂലമന്ത്രം. ഇത് ലക്ഷം തവണ ഉരുവിട്ടാൽ മന്ത്രസിദ്ധിയുണ്ടാവും. യജുർവേദവിധിപ്രകാരമാണ് സുരഭീദേവിയെ ധ്യാനിക്കേണ്ടത്. സർവ്വാഭീഷ്ടങ്ങളും സാധിപ്പിക്കുന്നതാണീ ധ്യാനം. സുരഭീ ദേവിയെ പൂജിക്കേണ്ടത് ലോകസമ്മതമായ പൂജാക്രമങ്ങൾ കൊണ്ടാണ്. "ലക്ഷ്മീ സ്വരൂപയും രാധയുടെ സഹചാരിയും ഗോക്കളുടെ അധിഷ്ഠാതൃദേവതയും സർവ്വകാമപ്രദയുമായ കാമധേനുവായ സുരഭീദേവിയെ ഞാൻ ഭജിക്കുന്നു. ഘടത്തിലോ ഗോശിരസ്സിലോ പശുവിനെ കെട്ടുന്ന കുറ്റിയിലോ അഗ്നിയിലോ സാളഗ്രാമശിലയിലോ ദേവിയെ ആവാഹിച്ച് പൂജ ചെയ്യാം. ദീപാവലി കഴിഞ്ഞ് പിറ്റേ ദിവസം ഗോപൂജ ചെയ്യുന്നവൻ സകലർക്കും ആരാധ്യനാവും.
ഒരിക്കൽ വരാഹകൽപ്പത്തിൽ കാമധേനു മായക്കധീനയായി മൂന്നു ലോകങ്ങളിൽ നിന്നും ക്ഷീരമപഹരിച്ചു. അങ്ങിനെ യജ്ഞാദികൾക്ക് തടസ്സമേർപ്പെട്ടു. ദേവൻമാർ ആകുലരായി ബ്രഹ്മാവിനോട് പരാതിപ്പെട്ടു. അദ്ദേഹം ദേവൻമാരോട് സുരഭീദേവിയെ സ്തുതിച്ചു തുഷ്ടയാക്കാൻ നിർദ്ദേശിച്ചു. ദേവേന്ദ്രൻ ദേവിയെ ഇങ്ങിനെ സ്തുതിച്ചു.
"കാമധേനുവായ സുരഭീദേവീ ഞങ്ങൾ അവിടുത്തെ തൊഴുന്നു, നമസ്ക്കരിക്കുന്നു. ഗോക്കളുടെ ബീജസ്വരൂപയായ, ജഗദംബികയായ ദേവിയിൽ ഞങ്ങൾ അഭയം തേടുന്നു. രാധാ പ്രിയേ, ദേവീ, നമസ്ക്കാരം, നമസ്ക്കാരം. പത്മാംശജേ, നമസ്ക്കാരം. കൃഷ്ണപ്രിയേ നമസ്ക്കാരം. ഗോമാതാവേ നമസ്ക്കാരം. കൽപ്പതരുവിനെപ്പോലെ അഭീഷ്ടങ്ങൾ സാധിപ്പിക്കുന്ന ദേവിയെ ഞങ്ങൾ നമസ്ക്കരിക്കുന്നു. ക്ഷീരദേ, ധനദേ, ബുദ്ധിപ്രദേ, യശപ്രദേ, കീർത്തിപ്രദേ, കാന്തിപ്രദേ, ധർമ്മപ്രദേ, ദേവീ, നമസ്ക്കാരം. ശുഭദായികേ ദേവീ, നിന്നെ ഞങ്ങൾ തൊഴുന്നു."
സ്തോത്രം കേട്ട് തൃപ്തയായ സുരഭി ബ്രഹ്മലോകത്ത് ആഗതയായി ഇന്ദ്രന് വരം നൽകി. മൂന്നു ലോകങ്ങളും വീണ്ടും ദുഗ്ദ്ധസമൃദ്ധമായി. പാലും നെയ്യും ധാരാളമായി കിട്ടിയതോടെ യജ്ഞകർമ്മങ്ങൾ വീണ്ടും സജീവമായി. പുണ്യ പ്രദമായ ഈ സ്തോത്രം പഠിക്കുകയും ചൊല്ലുകയും ചെയ്യുന്നവൻ ധനധാന്യസമ്പത്തുകൾ നേടി പുത്രകളത്രാദികളോടുകൂടി സുഖിയായി വാഴുന്നതാണ്. കൃഷ്ണസവിധത്തിലിടം നേടി അവൻ ഭഗവാനെ സേവിച്ച് കഴിയും. ഒടുവിലവൻ പുനർജന്മമേയില്ലാത്ത ഒരു ബ്രഹ്മപുത്രനുമായിത്തീരും.
കാ വാ സാ സുരഭിർദേവീ ഗോലോകാദാഗതാ ച യാ
തജ്ജന്മചരിതം ബ്രഹ്മൻ ശ്രോതുമിച്ഛാമി യത്നത:
ഗവാമധിഷ്ഠാതൃദേവീ ഗവാമാദ്യാ ഗവാം പ്രസൂ:
ഗവാം പ്രധാനാ സുരഭിർ ഗോലോകേ സാ സമുദ്ഭവാ
നാരദൻ ചോദിച്ചു: ഗോലോകത്തുനിന്നും വന്ന സുരഭീ ദേവി ആരാണ്? ആ ദേവിയുടെ കഥയും കൂടി പറഞ്ഞു തന്നാലും.
ശ്രീ നാരായണൻ പറഞ്ഞു: ഗോക്കളുടെ ജനനിയായ സുരഭീദേവി ജനിച്ചത് ഗോലോകത്താണ്. ഗോക്കളിൽ ആദ്യമായി ജനിച്ചത് കാമധേനുവായ സുരഭിയാണ്. അവളുടെ പൂർവകഥ ഞാൻ പറഞ്ഞുതരാം. ഒരിക്കൽ ശ്രീകൃഷ്ണൻ രാധാദേവിയുമായി വൃന്ദാവനത്തിൽ ചെന്നു. അവിടെ രാസകേളിയിൽ മുഴുകിയിരുന്ന ഭഗവാന് പാലുകുടിക്കാൻ ആഗ്രഹം തോന്നി. ഉടനെതന്നെ അദ്ദേഹം തന്‍റെ ഇടതുവശത്തുനിന്ന് മനോരഥൻ എന്ന് പേരുള്ള കിടാവോടു കൂടി കാമധേനുവായ സുരഭീദേവിയെ സൃഷ്ടിച്ചു. ആ പശുവില്‍ നിന്നും ജന്മമൃത്യുജരകളെ ഇല്ലാതാക്കുന്ന അമൃതിനേക്കാൾ പരിശുദ്ധമായ നറുംപാൽ സുദാമാവ് യഥേഷ്ടം കറന്നെടുത്തു. ഗോപികാകാന്തനായ ഭഗവാൻ ആ പാൽ ആവശ്യം പോലെ പാനം ചെയ്തു.
ഭഗവാന്‍റെ കയ്യിൽ നിന്നും പാൽത്തളിക താഴെവീണ് അവിടെയൊരു പാൽത്തടാകം തന്നെയുണ്ടായി. നൂറു യോജന നീളവും വീതിയുമുള്ള ആ തടാകം വൃന്ദാവനത്തിലെ കേളീസരോവരമായി. രാധയും മറ്റ് ഗോപികമാരും അവിടെ യഥേഷ്ടം ക്രീഡിച്ചു നടന്നു. ആ ക്ഷീരതടാകത്തിന്റെ പടവുകൾ നിര്‍മിച്ചിരുന്നത് രത്നം പതിച്ച വിശേഷങ്ങളായ കല്ലുകൾ കൊണ്ടായിരുന്നു. ക്ഷണത്തിലവിടെ സുരഭീ ദേവിയുടെ രോമകൂപങ്ങൾ ഓരോന്നിൽ നിന്നും ഗോപൻമാരുടെയത്രയെണ്ണം പശുക്കൾ ഉണ്ടായി. അവയ്ക്കെല്ലാം കിടാങ്ങളും ഉണ്ടായിരുന്നു. ഇങ്ങിനെയാണത്രേ ലോകം മുഴുവനും ഗോക്കളെക്കൊണ്ട് സമൃദ്ധമായിത്തീർന്നത്!
ആദ്യം ഭഗവാൻ സ്വയം ഗോപൂജ നടത്തി. അതു കഴിഞ്ഞ് ഇക്കാലമത്രയും ശ്രീകൃഷ്ണന്‍റെ നിർദ്ദേശപ്രകാരം മൂന്നു ലോകങ്ങളിലും ധേനുപൂജ നടന്നു വരുന്നു. പ്രധാനമായും ദീപാവലിയുടെ പിറ്റേന്നാണ് ഗോപൂജ നടത്തുന്നത്. ഈ പൂജയ്ക്ക് ആവശ്യമായ ധ്യാനം, സ്തോത്രം, മൂലമന്ത്രം, പൂജാവിധികൾ എന്നിവയെല്ലാം ഞാൻ പറയാം. ഇവ വേദോക്തങ്ങളാണെന്ന് അങ്ങേയ്ക്ക് അറിയാമല്ലോ.
"ഓം സുരഭ്യൈ നമ:" എന്നതാണ് ഷഡക്ഷരാത്മകമായ മൂലമന്ത്രം. ഇത് ലക്ഷം തവണ ഉരുവിട്ടാൽ മന്ത്രസിദ്ധിയുണ്ടാവും. യജുർവേദവിധിപ്രകാരമാണ് സുരഭീദേവിയെ ധ്യാനിക്കേണ്ടത്. സർവ്വാഭീഷ്ടങ്ങളും സാധിപ്പിക്കുന്നതാണീ ധ്യാനം. സുരഭീ ദേവിയെ പൂജിക്കേണ്ടത് ലോകസമ്മതമായ പൂജാക്രമങ്ങൾ കൊണ്ടാണ്. "ലക്ഷ്മീ സ്വരൂപയും രാധയുടെ സഹചാരിയും ഗോക്കളുടെ അധിഷ്ഠാതൃദേവതയും സർവ്വകാമപ്രദയുമായ കാമധേനുവായ സുരഭീദേവിയെ ഞാൻ ഭജിക്കുന്നു. ഘടത്തിലോ ഗോശിരസ്സിലോ പശുവിനെ കെട്ടുന്ന കുറ്റിയിലോ അഗ്നിയിലോ സാളഗ്രാമശിലയിലോ ദേവിയെ ആവാഹിച്ച് പൂജ ചെയ്യാം. ദീപാവലി കഴിഞ്ഞ് പിറ്റേ ദിവസം ഗോപൂജ ചെയ്യുന്നവൻ സകലർക്കും ആരാധ്യനാവും.
ഒരിക്കൽ വരാഹകൽപ്പത്തിൽ കാമധേനു മായക്കധീനയായി മൂന്നു ലോകങ്ങളിൽ നിന്നും ക്ഷീരമപഹരിച്ചു. അങ്ങിനെ യജ്ഞാദികൾക്ക് തടസ്സമേർപ്പെട്ടു. ദേവൻമാർ ആകുലരായി ബ്രഹ്മാവിനോട് പരാതിപ്പെട്ടു. അദ്ദേഹം ദേവൻമാരോട് സുരഭീദേവിയെ സ്തുതിച്ചു തുഷ്ടയാക്കാൻ നിർദ്ദേശിച്ചു. ദേവേന്ദ്രൻ ദേവിയെ ഇങ്ങിനെ സ്തുതിച്ചു.
"കാമധേനുവായ സുരഭീദേവീ ഞങ്ങൾ അവിടുത്തെ തൊഴുന്നു, നമസ്ക്കരിക്കുന്നു. ഗോക്കളുടെ ബീജസ്വരൂപയായ, ജഗദംബികയായ ദേവിയിൽ ഞങ്ങൾ അഭയം തേടുന്നു. രാധാ പ്രിയേ, ദേവീ, നമസ്ക്കാരം, നമസ്ക്കാരം. പത്മാംശജേ, നമസ്ക്കാരം. കൃഷ്ണപ്രിയേ നമസ്ക്കാരം. ഗോമാതാവേ നമസ്ക്കാരം. കൽപ്പതരുവിനെപ്പോലെ അഭീഷ്ടങ്ങൾ സാധിപ്പിക്കുന്ന ദേവിയെ ഞങ്ങൾ നമസ്ക്കരിക്കുന്നു. ക്ഷീരദേ, ധനദേ, ബുദ്ധിപ്രദേ, യശപ്രദേ, കീർത്തിപ്രദേ, കാന്തിപ്രദേ, ധർമ്മപ്രദേ, ദേവീ, നമസ്ക്കാരം. ശുഭദായികേ ദേവീ, നിന്നെ ഞങ്ങൾ തൊഴുന്നു."
സ്തോത്രം കേട്ട് തൃപ്തയായ സുരഭി ബ്രഹ്മലോകത്ത് ആഗതയായി ഇന്ദ്രന് വരം നൽകി. മൂന്നു ലോകങ്ങളും വീണ്ടും ദുഗ്ദ്ധസമൃദ്ധമായി. പാലും നെയ്യും ധാരാളമായി കിട്ടിയതോടെ യജ്ഞകർമ്മങ്ങൾ വീണ്ടും സജീവമായി. പുണ്യ പ്രദമായ ഈ സ്തോത്രം പഠിക്കുകയും ചൊല്ലുകയും ചെയ്യുന്നവൻ ധനധാന്യസമ്പത്തുകൾ നേടി പുത്രകളത്രാദികളോടുകൂടി സുഖിയായി വാഴുന്നതാണ്. കൃഷ്ണസവിധത്തിലിടം നേടി അവൻ ഭഗവാനെ സേവിച്ച് കഴിയും. ഒടുവിലവൻ പുനർജന്മമേയില്ലാത്ത ഒരു ബ്രഹ്മപുത്രനുമായിത്തീരും.
No comments:
Post a Comment