ദിവസം 210 .ശ്രീമദ്‌ ദേവീഭാഗവതം. 8. 12. പ്ലക്ഷ ദ്വീപവര്‍ണ്ണനം
ജംബുദ്വീപോ യഥാ ചായം യത് പ്രമാണേന കീർത്തിത:
താവതാ സർവ്വത: ക്ഷാരോദധീനാ പരിവേഷ്ടിത:
ജംബ്വാഖ്യേന യഥാ മേരുസ്തഥാ ക്ഷാരോദകേന ച
ക്ഷാരോദധിസ്തു ദ്വിഗുണ: പ്ലക്ഷാഖ്യേനോപവേഷ്ടിത:
ശ്രീ നാരായണൻ തുടർന്നു: ജംബുദ്വീപിനു ചുറ്റുമുള്ള ക്ഷാരസമുദ്രത്തിനും ജംബു ദ്വീപിനെപ്പോലെതന്നെ ലക്ഷം യോജന വിസ്താരമുണ്ട്. അതിന്റെ ഇരട്ടി വിസ്തൃതിയുള്ള പ്ലക്ഷദ്വീപ് ഈ ക്ഷാരസമുദ്രത്തെ ചുറ്റി നിലകൊള്ളുന്നു. പ്ലക്ഷദ്വീപിൽ പ്ലക്ഷം എന്ന പേരായ ഒരു വൻ വൃക്ഷമുണ്ട്. ജംബു ദ്വീപിലെ ജംബു വൃക്ഷത്തിന്റെയത്ര വലുപ്പമുണ്ട് ഈ മരത്തിനും. ഒരു കിടങ്ങിനെ വനം എന്ന പോലെയീ വൃക്ഷം സമുദ്രത്തെ ചൂഴ്ന്നു നില്ക്കുന്നു.
പ്ലക്ഷവൃക്ഷത്തിനു ചുവട്ടിലായി സപ്തജിഹ്വൻ എന്നു പേരായ അഗ്നിയും ആ ഭൂമിയുടെ നാഥനായി പ്രിയവ്രതപുത്രനായ ഇദ്ധ്മജിഹ്വൻ എന്ന മഹാനും വാഴുന്നു. അദ്ദേഹം തന്റെ ഏഴു പുത്രൻമാർക്കായി ഈ ദ്വീപ് വിഭജിച്ചു നൽകിയിട്ട് ആത്മസാധനയിൽ മുഴുകി ഭഗവാനെ പ്രാപിച്ചു. ശിവം, യവസം, ഭദ്രം, ശാന്തം, ക്ഷേമം, അമൃതം, അഭയം എന്നിങ്ങിനെയാണ് ആ ഏഴു വർഷങ്ങൾ.
അവിടെ ഏഴു നദികളും ഏഴു പർവ്വതങ്ങളുമുണ്ട്. മണികൂടം, വജ്രകൂടം, ജ്യോതിഷ്മാൻ, ഇന്ദ്രസേനൻ, സുപർണ്ണൻ, ഹിരണ്യഷ്ഠീവൻ, മേഘമാലൻ എന്നിവയാണ് ആ പർവ്വതങ്ങൾ. അരുണാ, നൃമ്ണാ, അംഗീരസി, സാവിത്രി, സുപ്രഭാതിക, ഋതംഭര, സത്യംഭര എന്നിവയാണാ സപ്തനദികൾ. ഈ നദികൾ അവിടെയുള്ള ജനങ്ങളിലെ രാജസീകവും താമസികവുമായ എല്ലാ ഗുണങ്ങളെയും ഇല്ലാതാക്കിയിരിക്കുന്നു.
ഹംസൻ, പതംഗൻ, സത്യാംഗൻ, ഊർധായനൻ എന്നീ നാലു വർണ്ണങ്ങളിൽ ആ ദ്വീപിലെ ജനങ്ങൾ അറിയപ്പെടുന്നു. ദേവസമരായ അവർക്ക് ആയിരം വർഷത്തെ ആയുസ്സുണ്ട്. അവർ സ്വർഗ്ഗദ്വാരമെന്നു പുകൾപെറ്റ ആദിത്യനെ വേദമാർഗ്ഗത്തിൽ യജിക്കുന്നു. 'പുരാണപുരുഷനും സത്യധർമ്മവേദസ്വരൂപനും ശുഭാത്മകനും വിഷ്ണുരൂപനുമായ സൂര്യദേവനെ ഞങ്ങൾ നമസ്കരിക്കുന്നു.' എന്നവർ പ്രാർത്ഥിക്കുന്നു.
ആയുസ്സ്, ഇന്ദ്രിയബലം, ഓജസ്സ്, ബുദ്ധി, സിദ്ധി, ശൗര്യം തുടങ്ങിയ ഗുണങ്ങൾ പ്ലക്ഷാദികളായ ആറു ദ്വീപുകളിൽ ജനിക്കുന്നവർക്കും ജന്മനാ ലഭിക്കുന്നു.
പ്ലക്ഷദ്വീപിനുമപ്പുറം ഇക്ഷുരസോദമെന്ന കരിമ്പു സമുദ്രമാണ്. അതിനുമപ്പുറം പ്ലക്ഷദ്വീപിന്റെ ഇരട്ടി വിസ്താരമുള്ള ശാല്മലദ്വീപ്. അതിനു ചുറ്റും അതേ വിസ്തീർണ്ണമുള്ള സുരോദമെന്ന കടലാണ്. അവിടെ വലിയൊരു ഇലവുമരമുണ്ട്. പ്ലക്ഷദ്വീപിന്റെയത്ര വലുപ്പത്തിലാണ് ഈ മരത്തിന്റെ ശാഖാവിതാനം. പക്ഷീരാജനായ ഗരുഡൻ വാഴുന്നയിടമാണീ വൃക്ഷം .
ശാല്മലിദ്വീപിന്‍റെ നാഥൻ പ്രിയവ്രതപുത്രനായ യജ്ഞബാഹുവാണ്. അദ്ദേഹം തന്റെ ഏഴു മക്കൾക്കുമായി ഈ ദ്വീപ് വിഭജിച്ചു നൽകി. സരോചനം, സൗമനസ്യം, രമണം, ദേവവർഷകം, പാരിഭദ്രം, ആപ്യായനം, വിജ്ഞാതം, എന്നിവയാണ് ആ ഭൂഭാഗങ്ങൾ. അവയിൽ ഏഴു പർവ്വതനിരകളും ഏഴു നദികളുമുണ്ട്. സരസം, ശതശൃംഗം, വാമദേവകം, കന്ദകം, കുമുദം, പുഷ്പവർഷം, സഹസ്രശ്രുതി എന്നിവയാണാ പർവ്വതങ്ങൾ. അനുമതി, സീനിവാലി, നന്ദ, രാകാ, കൂഹൂ, സരസ്വതി, രജനി എന്നിവയാണ് അവിടെയുള്ള ഏഴു നദികൾ .
ശാൽമലിദ്വീപിലെ ആളുകൾ ശ്രുതധരൻമാർ, വീര്യധരൻമാർ, വസുന്ധരൻമാർ, ഇഷൂന്ധരൻമാർ എന്നീ നാലു വർണ്ണങ്ങളിൽപെട്ടവരാണ്. അവർ ഭഗവാൻ സോമനെയാണ് ആരാധിക്കുന്നത്. "പിതൃക്കൾക്ക് കൃഷ്ണപക്ഷത്തിലും ശുക്ളപക്ഷത്തിലും സ്വന്തം പ്രകാശരശ്മികൾ വിഭജിച്ചു നല്കുന്ന സോമൻ ഞങ്ങൾക്ക് മംഗളമരുളട്ടെ" എന്നാണവർ പ്രാർത്ഥിക്കുന്നത്.
സുരസമുദത്തിനപ്പുറം എട്ടുലക്ഷം യോജന വിസ്താരത്തിൽ ഉള്ള ഘൃതസമുദ്രത്താൽ ചുറ്റപ്പെട്ട് കുശദ്വീപം നിലകൊള്ളുന്നു. സൂരോദത്തിന്റെ ഇരട്ടിയാണ് ഘൃതസമുദ്രത്തിന്റെ വലുപ്പം. കുശദ്വീപിന് ആ പേരുണ്ടാവാൻ കാരണമായ കുശവനം അവിടെയാണ്. ആ വനത്തിലെ വൃക്ഷശാഖകൾ ദിക്കുകളെ പ്രകാശിപ്പിച്ചു നില കൊള്ളുന്നു. പ്രിയവ്രതപുത്രനായ ഹിരണ്യരേതസ്സാണ് ഈ ദ്വീപിന്റെ നാഥൻ. അദ്ദേഹവും തന്റെ ഏഴു മക്കൾക്ക് ദ്വീപ് വിഭജിച്ചു നല്കി.
വസുദാനൻ, ദൃഢരുചി, വസു, നാഭിഗുപ്തൻ, വിവിക്തൻ, വാമദേവൻ , സ്തുത്യവ്രതൻ എന്നിവരാണ് ഹിരണു രേതസ്സിന്റെ പുത്രൻമാർ. ഇവിടെയും പ്രഖ്യാതമായ ഏഴു പർവ്വതങ്ങളുണ്ട്. ചതുശ്ശൃംഗം, കപിലം, ചക്രം, ചിത്രകൂടം, ദേവാനീകം, ദ്രവിണം, ഊർദ്ധരോമാവ്, എന്നിവയാണ് ഈ ഏഴു മലനിരകൾ. അവിടത്തെ ഏഴു നദികൾ രസകുല്യാ, മധുകുല്യാ, മിത്രവിന്ദ, ശ്രുതവിന്ദ, ദേവഗർഭ, ഘൃതച്യുത്, മന്ദമാലിക എന്നിവയാണ്. അവിടെയുള്ളവർ കുശലർ, കോവിദർ, അഭിയുക്തർ, കുളകർ, എന്നീ ഗോത്രങ്ങളിൽ പെട്ടവരാണ്. അവർ സത്കർമ്മനിരതൻമാരും അഗ്നിരൂപത്തിലുള്ള ദേവനെ ആരാധിക്കുന്നവരുമാണ്. "പരബ്രഹ്മത്തിന്റെ ഹവിസ്സ് വഹിക്കുന്ന അഗ്നിദേവാ,അംഗദേവൻമാർക്കു വേണ്ടി ഞങ്ങൾ ചെയ്യുന്ന ആഹൂതികൾ അങ്ങ് ആ പരംപുരുഷനിൽ എത്തിക്കണേ." എന്നാണവർ അഗ്നിദേവനോടു പ്രാർത്ഥിക്കുന്നത്.
ജംബുദ്വീപോ യഥാ ചായം യത് പ്രമാണേന കീർത്തിത:
താവതാ സർവ്വത: ക്ഷാരോദധീനാ പരിവേഷ്ടിത:
ജംബ്വാഖ്യേന യഥാ മേരുസ്തഥാ ക്ഷാരോദകേന ച
ക്ഷാരോദധിസ്തു ദ്വിഗുണ: പ്ലക്ഷാഖ്യേനോപവേഷ്ടിത:
ശ്രീ നാരായണൻ തുടർന്നു: ജംബുദ്വീപിനു ചുറ്റുമുള്ള ക്ഷാരസമുദ്രത്തിനും ജംബു ദ്വീപിനെപ്പോലെതന്നെ ലക്ഷം യോജന വിസ്താരമുണ്ട്. അതിന്റെ ഇരട്ടി വിസ്തൃതിയുള്ള പ്ലക്ഷദ്വീപ് ഈ ക്ഷാരസമുദ്രത്തെ ചുറ്റി നിലകൊള്ളുന്നു. പ്ലക്ഷദ്വീപിൽ പ്ലക്ഷം എന്ന പേരായ ഒരു വൻ വൃക്ഷമുണ്ട്. ജംബു ദ്വീപിലെ ജംബു വൃക്ഷത്തിന്റെയത്ര വലുപ്പമുണ്ട് ഈ മരത്തിനും. ഒരു കിടങ്ങിനെ വനം എന്ന പോലെയീ വൃക്ഷം സമുദ്രത്തെ ചൂഴ്ന്നു നില്ക്കുന്നു.
പ്ലക്ഷവൃക്ഷത്തിനു ചുവട്ടിലായി സപ്തജിഹ്വൻ എന്നു പേരായ അഗ്നിയും ആ ഭൂമിയുടെ നാഥനായി പ്രിയവ്രതപുത്രനായ ഇദ്ധ്മജിഹ്വൻ എന്ന മഹാനും വാഴുന്നു. അദ്ദേഹം തന്റെ ഏഴു പുത്രൻമാർക്കായി ഈ ദ്വീപ് വിഭജിച്ചു നൽകിയിട്ട് ആത്മസാധനയിൽ മുഴുകി ഭഗവാനെ പ്രാപിച്ചു. ശിവം, യവസം, ഭദ്രം, ശാന്തം, ക്ഷേമം, അമൃതം, അഭയം എന്നിങ്ങിനെയാണ് ആ ഏഴു വർഷങ്ങൾ.
അവിടെ ഏഴു നദികളും ഏഴു പർവ്വതങ്ങളുമുണ്ട്. മണികൂടം, വജ്രകൂടം, ജ്യോതിഷ്മാൻ, ഇന്ദ്രസേനൻ, സുപർണ്ണൻ, ഹിരണ്യഷ്ഠീവൻ, മേഘമാലൻ എന്നിവയാണ് ആ പർവ്വതങ്ങൾ. അരുണാ, നൃമ്ണാ, അംഗീരസി, സാവിത്രി, സുപ്രഭാതിക, ഋതംഭര, സത്യംഭര എന്നിവയാണാ സപ്തനദികൾ. ഈ നദികൾ അവിടെയുള്ള ജനങ്ങളിലെ രാജസീകവും താമസികവുമായ എല്ലാ ഗുണങ്ങളെയും ഇല്ലാതാക്കിയിരിക്കുന്നു.
ഹംസൻ, പതംഗൻ, സത്യാംഗൻ, ഊർധായനൻ എന്നീ നാലു വർണ്ണങ്ങളിൽ ആ ദ്വീപിലെ ജനങ്ങൾ അറിയപ്പെടുന്നു. ദേവസമരായ അവർക്ക് ആയിരം വർഷത്തെ ആയുസ്സുണ്ട്. അവർ സ്വർഗ്ഗദ്വാരമെന്നു പുകൾപെറ്റ ആദിത്യനെ വേദമാർഗ്ഗത്തിൽ യജിക്കുന്നു. 'പുരാണപുരുഷനും സത്യധർമ്മവേദസ്വരൂപനും ശുഭാത്മകനും വിഷ്ണുരൂപനുമായ സൂര്യദേവനെ ഞങ്ങൾ നമസ്കരിക്കുന്നു.' എന്നവർ പ്രാർത്ഥിക്കുന്നു.
ആയുസ്സ്, ഇന്ദ്രിയബലം, ഓജസ്സ്, ബുദ്ധി, സിദ്ധി, ശൗര്യം തുടങ്ങിയ ഗുണങ്ങൾ പ്ലക്ഷാദികളായ ആറു ദ്വീപുകളിൽ ജനിക്കുന്നവർക്കും ജന്മനാ ലഭിക്കുന്നു.
പ്ലക്ഷദ്വീപിനുമപ്പുറം ഇക്ഷുരസോദമെന്ന കരിമ്പു സമുദ്രമാണ്. അതിനുമപ്പുറം പ്ലക്ഷദ്വീപിന്റെ ഇരട്ടി വിസ്താരമുള്ള ശാല്മലദ്വീപ്. അതിനു ചുറ്റും അതേ വിസ്തീർണ്ണമുള്ള സുരോദമെന്ന കടലാണ്. അവിടെ വലിയൊരു ഇലവുമരമുണ്ട്. പ്ലക്ഷദ്വീപിന്റെയത്ര വലുപ്പത്തിലാണ് ഈ മരത്തിന്റെ ശാഖാവിതാനം. പക്ഷീരാജനായ ഗരുഡൻ വാഴുന്നയിടമാണീ വൃക്ഷം .
ശാല്മലിദ്വീപിന്‍റെ നാഥൻ പ്രിയവ്രതപുത്രനായ യജ്ഞബാഹുവാണ്. അദ്ദേഹം തന്റെ ഏഴു മക്കൾക്കുമായി ഈ ദ്വീപ് വിഭജിച്ചു നൽകി. സരോചനം, സൗമനസ്യം, രമണം, ദേവവർഷകം, പാരിഭദ്രം, ആപ്യായനം, വിജ്ഞാതം, എന്നിവയാണ് ആ ഭൂഭാഗങ്ങൾ. അവയിൽ ഏഴു പർവ്വതനിരകളും ഏഴു നദികളുമുണ്ട്. സരസം, ശതശൃംഗം, വാമദേവകം, കന്ദകം, കുമുദം, പുഷ്പവർഷം, സഹസ്രശ്രുതി എന്നിവയാണാ പർവ്വതങ്ങൾ. അനുമതി, സീനിവാലി, നന്ദ, രാകാ, കൂഹൂ, സരസ്വതി, രജനി എന്നിവയാണ് അവിടെയുള്ള ഏഴു നദികൾ .
ശാൽമലിദ്വീപിലെ ആളുകൾ ശ്രുതധരൻമാർ, വീര്യധരൻമാർ, വസുന്ധരൻമാർ, ഇഷൂന്ധരൻമാർ എന്നീ നാലു വർണ്ണങ്ങളിൽപെട്ടവരാണ്. അവർ ഭഗവാൻ സോമനെയാണ് ആരാധിക്കുന്നത്. "പിതൃക്കൾക്ക് കൃഷ്ണപക്ഷത്തിലും ശുക്ളപക്ഷത്തിലും സ്വന്തം പ്രകാശരശ്മികൾ വിഭജിച്ചു നല്കുന്ന സോമൻ ഞങ്ങൾക്ക് മംഗളമരുളട്ടെ" എന്നാണവർ പ്രാർത്ഥിക്കുന്നത്.
സുരസമുദത്തിനപ്പുറം എട്ടുലക്ഷം യോജന വിസ്താരത്തിൽ ഉള്ള ഘൃതസമുദ്രത്താൽ ചുറ്റപ്പെട്ട് കുശദ്വീപം നിലകൊള്ളുന്നു. സൂരോദത്തിന്റെ ഇരട്ടിയാണ് ഘൃതസമുദ്രത്തിന്റെ വലുപ്പം. കുശദ്വീപിന് ആ പേരുണ്ടാവാൻ കാരണമായ കുശവനം അവിടെയാണ്. ആ വനത്തിലെ വൃക്ഷശാഖകൾ ദിക്കുകളെ പ്രകാശിപ്പിച്ചു നില കൊള്ളുന്നു. പ്രിയവ്രതപുത്രനായ ഹിരണ്യരേതസ്സാണ് ഈ ദ്വീപിന്റെ നാഥൻ. അദ്ദേഹവും തന്റെ ഏഴു മക്കൾക്ക് ദ്വീപ് വിഭജിച്ചു നല്കി.
വസുദാനൻ, ദൃഢരുചി, വസു, നാഭിഗുപ്തൻ, വിവിക്തൻ, വാമദേവൻ , സ്തുത്യവ്രതൻ എന്നിവരാണ് ഹിരണു രേതസ്സിന്റെ പുത്രൻമാർ. ഇവിടെയും പ്രഖ്യാതമായ ഏഴു പർവ്വതങ്ങളുണ്ട്. ചതുശ്ശൃംഗം, കപിലം, ചക്രം, ചിത്രകൂടം, ദേവാനീകം, ദ്രവിണം, ഊർദ്ധരോമാവ്, എന്നിവയാണ് ഈ ഏഴു മലനിരകൾ. അവിടത്തെ ഏഴു നദികൾ രസകുല്യാ, മധുകുല്യാ, മിത്രവിന്ദ, ശ്രുതവിന്ദ, ദേവഗർഭ, ഘൃതച്യുത്, മന്ദമാലിക എന്നിവയാണ്. അവിടെയുള്ളവർ കുശലർ, കോവിദർ, അഭിയുക്തർ, കുളകർ, എന്നീ ഗോത്രങ്ങളിൽ പെട്ടവരാണ്. അവർ സത്കർമ്മനിരതൻമാരും അഗ്നിരൂപത്തിലുള്ള ദേവനെ ആരാധിക്കുന്നവരുമാണ്. "പരബ്രഹ്മത്തിന്റെ ഹവിസ്സ് വഹിക്കുന്ന അഗ്നിദേവാ,അംഗദേവൻമാർക്കു വേണ്ടി ഞങ്ങൾ ചെയ്യുന്ന ആഹൂതികൾ അങ്ങ് ആ പരംപുരുഷനിൽ എത്തിക്കണേ." എന്നാണവർ അഗ്നിദേവനോടു പ്രാർത്ഥിക്കുന്നത്.
No comments:
Post a Comment